Хан екстремно разочаран од лидерите на ЕУ
Објавено во: Македонија 18 Октомври, 2019
Европскиот комесар не ја крие разочараност од лидерите на земјите членки на Унијата. И покрај синоќешната одлука тој вели дека останува да ги поддржува земјите од Западен Балкан на патот кон ЕУ.
-Лидерите на ЕУ не успеаја да ја исполнат својата посветеност за отворање на преговорите за пристапување на Македонија и Албанија. Ова е екстремно разочарување, пишува на социјалната мрежа Твитер, европскиот комесар за проширување Јоханес Хан.
Тој додава дека Европската унија сега треба да разјасни колку е сериозна нејзината заложба за интеграцијата на Западен Балкан.
#EU leaders failed to live up to their commitment to open #accession negotiations with #NorthMacedonia and #Albania at #EUCO. This is a matter of extreme disappointment. #EU #MS now need to clarify how serious their commitment is to the #WesternBalkans’ #EU integration. 1/4
— Johannes Hahn (@JHahnEU) October 18, 2019
Комесарот Хан им се заблагодари на сите што синоќа ја ставиле целата своја тежина да постигнат одлука која е од големо стратегиско значење за ЕУ и како што вели се бореа за испраќање на сигнал за надеж до граѓаните на Западен Балкан.
-Како што веќе кажав во Луксембург: Ова не е момент за слава за ЕУ. Да се одбие признавањето на докажаниот напредок ќе има негативни последици, вклучително и ризик од дестабилизација на Западниот Балкан, нешто што ќе се одрази врз ЕУ.
Наша одговорност е сега да застанеме сo државите чиишто граѓани се со право разочарани a јас ќе продолжам да правам се што е во моја моќ да ги поддржувам. Интеграцијата на ЕУ за Западен Блакан е и останува важна стратешка политика, во наш заеднички интерес-завршува Хан.