Хан: Партиите да продолжат да преговараат и да демонстрираат демократска зрелост
Објавено во: Македонија 10 Февруари, 2017
Eврокомесарот Јоханес Хан денеска кажа дека е потребно дополнително време, но политичките партии треба да демонстрираат демократска зрелост.
Според него, не се работи за брзина на донесување на одлуката, туку за квалитетот на одлуката.
Хан ова го изјави денеска на свеченото примопредавање на 31 теренско возило, донација од ЕУ за Граничната полиција.
„Партиите треба да продолжат да преговараат и да демонстрираат демократска зрелост, треба да понудат одлична програма базирана на Договорот од Пржино и посветеност на европската перспектива. И ако ова биде случај, јас сум убеден во иднината на земјата“– изјави Хан.
За тоа дали во разговорите со него, партиите вчера покажале демократска зрелост, Хан не одговори, но рече дека тој е секогаш оптимист.
Тој во обраќањето на свеченоста, ја спомна и средбата што утрово ја имаше со претседателот на државата, Ѓорге Иванов.
Тој рече дека претседателот го замолил „Европската Унија да направи повеќе за неговата земја и да има повеќе настани како што е денешниот, посветен на донацијата на возилата од ЕУ.
Хан вчера се сретна со сите лидери на партии кои освоија мандати на изборите на 11 декември.
Можеби ќе ве интересира
„ВМРОИДИТЕ СИ КУПИЛЕ ЧЕТВОРИЦА ПРАТЕНИЦИ НА КВАНТАШКИ“: Се огласи Апасиев за тоа што ВМРО-ДПМНЕ обезбедија 61 пратеник
СЕ АПЕЛИРА НА ВНИМАТЕЛНОСТ – МОЖНИ СЕ ШТЕТИ: Од ноќта сабота кон недела во Македонија доаѓа силно невреме, кое ќе продолжи и наредната недела
ФАКТОР НА ДЕНОТ: Мицкоски вели дека ВМРО-ДПМНЕ има 61 пратеник
ГРЧКИ МЕДИУМИ: Идниот премиер на Северна Македонија ја следи линијата на Силјановска Давкова
ТОШКОВСКИ: Mакедонската јавност во наредниот период ќе види многу интересни случаи
МИЦКОСКИ ДО ГРЦИЈА: Ако тие мислат дека ние сме го прекршиле договорот тогаш постои Меѓународен суд за правда
MИЦКОСКИ: Покрај 58 пратеници на коалицијата, имаме консолидирано точно 61 пратеник
ДИМОВСКИ РАСПАЛИ ЗА ЕУ И МИЦОТАКИС: ЕУ бара од нас да веруваме во нејзината посветеност за брзо пристапување на регионот во ЕУ?Чудно, нели?
