ХАНИЈА БАРА ПОМОШ: Ги повика муслиманските држави да обезбедат оружје за Хамас
Објавено во: Свет 09 Јануари, 2024
Хамас бара помош од муслиманските земји. Лидерот на Хамас, Исмаил Ханија ги повика муслиманските држави да го „поддржат“ неговото палестинско исламистичко движење во војната против Израел во Појасот Газа, снабдувајќи го со оружје. Француските медиуми пренесуваат дека џамијата Ал-Акса е трето најсвето место во исламот.
„Улогата на муслиманската нација е клучна и дојде време да се поддржи отпорот со оружје, бидејќи ова е битка за џамијата Ал Акса, а не само битката на палестинскиот народ“, рече Ханија во говорот во Доха.
Исак Херцог, претседателот на Израел смета дека нема ништо „пострашно и побесмислено“ од тужбата против Израел дека извршил „геноцидни дејствија“ врз Палестинците во војната во Газа, поднесена до Меѓународниот суд на правдата. На 7 октомври лани, Хамас почна со напади на Израел, со барање за формирање независна држава Палестина со главен град Ерусалим.