Хашкиот трибунал го пушти на слобода Горан Хаџиќ
Објавено во: Балкан 14 Април, 2015
Трибуналот во Хаг го пушти привремено на слобода Горан Хаџиќ, кој е обвинет за воени злосторства во периодот 1991 - 1993 година.
Поранешниот командант на хрватските Срби, кој боледува од тумор на мозокот, ќе биде префрлен во Нови Сад, а во затворот во Хаг ќе треба да се врати во мај, се вели во одлуката на судот.
Хаџиќ нема да има право да го напушти Нови Сад. Тој ќе мора да го предаде пасошот на властите во градот но исто така ќе нема право да комуницира со сведоците и да дава изјави за медиумите.
Процесот против Хаџиќ, кој започна во 2012 година по 7-годишното бегство, беше прекинат во октомври минатата година.