Хирурзи си заминуваат среде операција во Загреб, не им се плаќа прекувремено

Добивај вести на Viber

Хрватската јавност е шокирана по информациите дека во последните неколку недели хирурзите си заминуваа среде оперативен зафат, а работата му ја препуштаат на колега на кого тукушто му почнува смената. Хирурзите кои ги прекинуваат операциите тврдат дека прекувремените работни часови не им се плаќаат, па затоа никој не може да ги натера да оперираат подолго. Тврдат дека животот на пациентите не е загрозен, затоа што друг лекар веднаш ја презема операцијата. Сепак оваа „епидемија“ за заминување од оперативен зафат создава хаос во болниците во Загреб, каде што шефовите на хируршките одделенија губат контрола. Во некои болници во Загреб, за операција се чекаа по 500 дена, а за преглед дури и по 700 дена. Во моментов речиси половина милион луѓе во Хрватска чекаат да бидат примени за преглед или интервенција, а состојбата секојдневно се влошува. Лекарите, од своја страна, велат дека се револтирани од однесувањето на Министерството за здравство кое нема слух да им го реши проблемот со прекувремените работни часови.