Холанѓанка сакала да се фотографира и паднала од карпа висока 12 метри по што починала
Објавено во: Балкан 10 Август, 2022
Tуристка починала откако паднала од карпа, а се качила за да се фотографира.
Триесетгодишна холандска државјанка денеска попладне загинала во местото Клобук кај градот Требиње, на границата меѓу БиХ и Црна Гора, откако паднала од карпа висока 12 метри. Информацијата ја потврди портпаролот на Окружното јавно обвинителство во Требиње, Срѓан Вукановиќ.
Тој додаде дека со жртвата имало уште двајца странски државјани.
„Излегле на карпата да се фотографираат, еден од нив се лизнал и паднал од висина од 12 метри и починал на лице место“, рекол Вукановиќ.
Истрагата е во тек, а присуствува и дежурниот обвинител на Окружното јавно обвинителство заедно со полициски службеници од полициската управа Требиње.