ХОРОР ВО БУГАРИЈА: Се самозапали уште еден човек!

Добивај вести на Viber

Маж на возраст од 48 години се самозапали денеска во бугарскиот град Сандански. Ова е втор случај на самозапалување во оваа земја во последните два дена. Вчера на истиот чекор се одлучи 38-годишна фоторепортерка во Софија. Мажот се самозапалил во двор на црква во Сандански, а неговата состојба е критична. Тој бил многу сиромашен и се хранел во црковната кујна, благодарение на доброволни прилози, но нема повеќе детали за мотивите што го натерале на ваков чекор. Осум лица починаа во Бугарија од февруари 2013 до јануари 2014 година како последица на самозапалување, а како главни причини за ваков чин се наведувале сиромаштија или протест против корупцијата во политиката. Состојбата на 38-годишната фоторепортерка Лидија Петрова, која се самозапали пред зградата на Претседателството во Софија вчера, исто така останува критична. Таа е во болница со длабоки изгореници на повеќе од 90% од телото. Нејзиното семејство верува дека на ваквиот чекор била принудена или дека паднала под влијание на некоја секта. ОЧАЈ ИЛИ ЛУДОСТ: Што ја натера младата фоторепортерка да се самозапали во Софија?