Хотел „Фламинго“ казино - Гевгелија трета година по ред домаќин на крводарителска акција

Добивај вести на Viber

Во просториите на Хотел „Фламинго“ казино- Гевгелија се одржа третата по ред крводарителска акција. Со гордост може да констатираме дека оваа наша хуманитарна активност прераснува во благородна традиција која е широко прифатена од заедницата.

Својата хуманост на дело ја покажаа вработените во Хотел „Фламинго“ казино, како и останати граѓани крводарители, при што беа собрани вкупно 79 крвни единици.

„Со оваа хумана акција уште еднаш покажуваме дека сме компанија која што е општествено одговорна и секогаш се обидуваме да вратиме кон заедницата во која деловно опстојуваме. Се надеваме со нашиот скромен придонес ќе помогнеме некому кому му е тоа најпотребно,“ изјави по повод крводарителската акција, Елена Минева од Хотел „Фламинго“ казино Гевгелија.

Вчерашната крводарителска акција, како и во претходните години, е организирана и реализирана, во соработка со Црвениот крст Гевгелија.

Првата крводарителска акција Хотел „Фламинго“ казино-Гевгелија се одржа во ноември 2020 година како продолжение на серијата хуманитарно - донаторски активности кои Групацијата Новоматик Македонија и Апекс Македонија ги реализираше во тој период.

Групацијата Новоматик ја манифестираше својата општествена одговорности во екот на Ковид-19 пандемијата. Токму Хотел „Фламинго“ казино- Гевгелија со одлука на менаџментот беше отстапен на здравствените власти за карантин.  Продолжуваме и понатаму посветено преку различни хуманитарни, донаторски активности и покровителски акции да градиме партнерство со заедницата и да придонесуваме во општествениот развој.

ПР Објава