ХРАНАТА ЌЕ ПОСКАПУВА: По топлотните, ќе имаме и ценовни шокови
Објавено во: Македонија 25 Август, 2021
Во следните години ќе имаме поскапување на храната поради климатските промени кои донесоа топлотни шокови и суши.
Земјоделците и агрономите велат дека веќе има намалено производство кај повеќето култури, но има и повисоки цени на производите. Овошјето и зеленчукот се поскапени. Очекуваат дека во иднина овој процес ќе биде поизразен. Земјоделците ќе мора почесто да ги наводнуваат нивите и почесто да прскаат.
„Веќе се чувствува влијанието на климатските промени и производството е намалено. Зголемени се цените на доматите, пиперките, краставиците. Овие сорти не можат да ги издржат тие температурни шокови. Земјоделците ќе мора повеќе да наводнуваат, и не е само тоа, туку се развиваат многу штетници на тие температури, и ќе треба поголема заштита, повеќе хемија. За да опстанат земјоделците ќе мора да се преориентираат на нови сорти, било да се тоа градинарски култури, или ако се работи за овоштарство, да се обидат со доцни сорти со кои ќе се избегнат пролетните мразеви“, вели Борче Јанев од претседател на Здружението на земјоделци Проагро фармери од Струмица.
Ристо Велков од Синдикатот на земјоделците од струмичкиот регион објаснува дека на земјоделците им треба едукација за ефектите од климатските промени. Смета дека од Министерството за земјоделство треба да се ангажираат и да организираат едукација на оваа тема.
„Климатските промени имаат многу големо влијание, и погодени се градинарските култури. Треба да се внимава и за заштитата на растенијата, да се погодат температурите кога таа ќе се изврши за да има ефект“, рече Велков.
Агрономот Весна Севдинска објаснува дека во Малешевијата овошните дрвца имаат помал род од порано.
„Намалено е производството на сливи, јаболка, компири во Берово затоа што климатските промени си го направија своето“, вели таа.
Што се однесува до температурите, во јули во Македонија беа измерени 44 степени. Во иднина се очекуваат повеќе суши, топлотни бранови, почести пожари и поплави.
Сања Атанасовскаfoto unsplash.com
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
ФАКТОР НА ДЕНОТ: Владата ќе позајми нафта, од утре превозот во Скопје се нормализира
ЗА СТАБИЛИЗИРАЊЕ НА СОСТОЈБИТЕ ВО ГРАДОТ: Советот предлага продолжување на дијалогот со ЗЕЛС и други јавни претпријатија
МИЦЕВСКИ ЗА СКАНДАЛОТ СО АПАСИЕВ: Очаен обид на таканаречениот „универзитетски професор“ да ја задоволи својата жед за медиумско внимание
ШУТАРОВ: Да го наведеме износот од 2,5 милиони литри коишто би биле доволни за ЈСП да јa извршува функцијата до крајот на годината
СТОЈАНОВСКИ: Нафтата од државните резерви сега се доставува до базите на ЈСП
ПО ИНЦИДЕНТОТ ВО СОБРАНИЕТО: Апасиев има порака до ВМРО-ДПМНЕ
ГРАД СКОПЈЕ ЈА ПОЗДРАВИ ОДЛУКАТА НА ВЛАДАТА: Секогаш е подобро политика да се води со разум, а не со инает
ДЕТЕТО ЗАВРШИ ВО БОЛНИЦА: Ученик давел соученик во Велес и му нанел тешки повреди
ТОШКОВСКИ: Огромен е бројот на турски граѓани кои немаат одговор за добивање на државјанство
