Хрватска гради Фејсбуков дата центар

Добивај вести на Viber

Во Хрватска е развиен и се произведува нов податочен центар за Фејсбук кој, кога ќе биде довршен , ќе биде меѓу трите најголеми податочни центри во Европа и единствен кој компанијата го има надвор од САД.

Станува збор за модуларен податочен центар темел на зелени технологии кои се сложуваат како Лего коцки. Произведувачот на тие коцки, односно специјални контејнери опремени со напојување и ладење на таа пропратна технологија, е загребачка подружница на корпорацијата Емерсон Електир, односно дел од ЕМР Холдингот. Хрватскиот Емерсон се разви како единца во состав на компанија Никола Тесла.  Пред 15 години компанијата ја купил ЕМР Холдинг. Лука Гашпар, директорот на хрватски Емерсон, потврдил за пословни.хр. дека работат за Фејсбук.

„Хрватска е светско средиште за технологија на модуларни податочни центри во рамки на Емерсон, а ние сме најголем таков играч на светот и работиме насекаде“, вели Гашпар. Производниот погон на локалната компанија Емерсон е сместен во халите недалеку од Забок. Таму се градат континиери, се тестираат и припремаат за транспорт во Шведска. Потоа се доoпремуваат во Лулеу на северот од Европа, 100 км од Арктичкиот круг. Опсегот на работата е исклучително голем. Новиот Фејсбуков центар ќе биде клучно место за складирање на податоците на сите корисници од Европа, Блискиот исток и Африка, повеќе од 800 милиони од нив.

Ќе се простира на 30 илјади квадрати. На конференцијата на ИДЦ можеше неофицијално да се дознае дека во Хрватска сите податочни центри заедно имаат околу 3000 м2. Поединечно најголем капацитет нуди PCK кај Јастербарск. Но, вкупно се шест големи играчи меѓу кои се HT,Vipnet и Metronet од телеком и уште два независни „играчи“ Altus IT и Megatrend.

Вкупно во тој бизнис се вратат дури 3 милиони евра. Во регионот, пак, тие центри претставуваат многу поголем бизнис. Агенцијата IDC Adriatics објавила дека во средна и источна Европа тој пазар е вреден 1,89 милијарди долари и незапирливо расте. Иван Јураш, аналитичар за ИТ услуги и софтвер на IDC Adriaticsa, вели дека во Хрватска очекува голем раст на тој пазар. „Повеќе од половина од корпоративните корисници не планираат веќе да вложуваат во сопствените податочни центри туку тие услуги ќе ги бараат на пазарот и тоа е прилика за хрватските понудувачи“, вели Јураш за пословни.хр.