ХРВАТСКА: Само Азијците ќе работат за минимална плата, на другите не им се исплати
Објавено во: Економија 22 Октомври, 2025 20:40
И покрај предупредувањата од Хрватското здружение на работодавачи (ХЗР), премиерот Андреј Пленковиќ потврди дека минималната плата во Хрватска повторно ќе се зголеми од 2026 година. RTL разговараше за оваа одлука со економските аналитичари Љубо Јурчиќ и Петар Вушковиќ.
На почетокот на неделата, ХЗР апелираше до Владата да не ја зголемува минималната плата со цел да се заштитат работните места и да се овозможи закрепнување на индустријата. Здружението предупредува дека „вештачкото и ненадејно зголемување на трошоците за труд“ дополнително ја намалува профитабилноста по вработен, која е сè уште значително под просекот на Европската унија.
ХЗР предлага одложување на зголемувањето на минималната плата за една година, така што индустријата „ќе ја врати изгубената конкурентност и ќе ги обнови инвестициите“.
Премиерот Пленковиќ, сепак, не го прифаќа барањето на работодавачите.
„Добивката на компаниите е двојно зголемена во споредба со 2016 година. Оние кои генерираат инфлација со толку многу приходи и профит сега сакаат да престанеме и воопшто да не ги зголемуваме минималните плати. Тоа нема да се случи“, рече тој по седницата на Претседателството и Националниот комитет на ХДЗ.
Економистот и поранешен министер за економија Љубо Јурчиќ смета дека минималната плата треба да се зголеми, но со јасна анализа на можностите по сектори.
„Пред зголемувањето, треба да се утврди кои индустрии можат да исплаќаат повисока минимална плата, а кои не. Ако владата сака овие индустрии да преживеат, мора да им помогне да станат профитабилни во следните две до четири години. Но, зголемувањето на минималната плата е неопходно од хумани, човечки и цивилизациски причини“, изјави Јурчиќ за Net.hr.
Според него, државата мора да има јасна индустриска политика, а периодот од една година што го предлага HUP за прилагодување „не е доволен за закрепнување на индустријата“.
„Само Азијците ќе работат за минимална плата“
Од друга страна, економскиот аналитичар Петар Вушковиќ смета дека зголемувањето на минималната плата не е единственото решение.
„Треба да се поттикнат секторски колективни договори што би ги дефинирале минималните прагови по гранка. Со ова би се избегнало оптоварување на нископрофитните индустрии, како што е текстилната, кои би ја изгубиле конкурентноста со зголемувањето на минималната плата. Доколку има зголемување, тоа треба да биде минимално“, истакна Вушковиќ.
Тој додава дека истражувањата покажуваат дека зголемувањето на минималната плата не ја зголемува невработеноста, но може да ја намали профитабилноста, особено во индустриските сектори, пренесува index.hr.
fotom Wikipedia/Bengt Nyman from Vaxholm
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
ОД 11 ДЕКЕМВРИ НЕМА ПОВЕЌЕ ВОЗ НА ДЕЛНИЦАТА СКОПЈЕ-ЗЕЛЕНИКОВО: Почнува реконструкцијата на пругата
РКЕ го намали надоместокот за мрежарина за електрична енергија
ДОЦНА НАВЕЧЕР СЕ ПОТПИШУВАА РЕШЕНИЈА: Субвенции за набавка на клима уреди во Скопје
КУПИЛ ДВЕ НАПУШТЕНИ ШТИПСКИ СЕЛА: Косовски бизнисмен бара од Владата да ја гради најголемата фотоцентрала
АЛЕКСАНДАР МАНЕВ ВО „БИЗНИС-КЛУБ“: „Кадарот го создава духот на компанијата“
Венецуела го зголеми дневниот извоз на нафта во ноември
Oва се земји каде трошоците растат, а квалитетот на живот е загрозен
Хрватска е поскапа од Тоскана и Прованса, туристите се шокирани од цените
Димитриеска-Кочоска: Нема задолжување надвор од предвидените за годинава
