Хрватска влезе во ЕУ, ама цените на куќите се намалија

Добивај вести на Viber

За речиси 17% се намалил индексот на цените на куќите во Хрватска во третиот квартал од 2013-та, во споредба со истиот период од 2012-та. Ова е најголем пад на цените на куќите во некоја од земјите-членки на ЕУ, додека големо намалување има и во Кипар и Шпанија, каде индексот на цени се намалил за осум, односно за 6,4%, објави Евростат. И во Бугарија цените на куќите во третиот квартал лани се намалиле за 3 отсто во однос на претходната година, во Словенија падот изнесува 4 проценти, додека за Грција нема податоци. Според европската статистичка агенција, спротивно на овие земји, најголем пораст на цените на куќите во третиот квартал лани, на годишна основа, е забележано во Естонија, каде што порастот на цената на куќите е од 11,1 отсто. Цените на куќите растеле и во Луксембург, Исланд и Шведска. Просечната цена на куќите на ниво на ЕУ се намали за 0,5 отсто, додека намалувањето на цената на куќите во еврозоната изнесува 1,3 проценти.