Хрватските воени авиони „заробени“ во Украина

Добивај вести на Viber

Вкупно 12 хрватски воени авиони од типот МИГ-21 се наоѓаат на ремонт во Украина, а нивната испорака заради актуелната криза во оваа земја доцни веќе пет месеци. Ова и предизвикува проблеми на хрватска која воздушниот простор треба да го контролира со преостанатите три авиони од типот МИГ-21 кои се функционални. Хрватските авиони се на ремонт во заводот во Одеса, многу блиску до тензичните случувања на Крим, а до сега украинско-чешкиот тим кој работи на нивната поправка успеал да провери само пет авиони. Откако ремонтот ќе заврши, хрватски експерти треба да направат проверка, да извршат и пробни летови со кои ќе проверат дали авионите се во добра состојба, а дури потоа тие ќе се вратат назад во Хрватска. Како резултат на ова, во унгарските медиуми се појавија текстови во кои се тврди дека Хрватска деновиве побарала од соседна Унгарија помош во заштитата на воздушниот простор. Од хрватското Министерство за одбрана побрзаа овие информации да ги демантираат, со образложение дека „хрватските оружени сили имаат способност за надзор и заштита воздушниот простор“.