Хуманитарна акција на ЕВН Македонија и Црвен крст на РМ „Да споделиме радост“

Добивај вести на Viber

ЕВН Македонија и Црвен крст на Република Македонија и годинава ја организираат хумнанитарната акција „Да споделиме радост“. Во рамките на оваа акција 300 деца од социјално загрозени семејства и деца со посебни потреби ќе проследат новогодишна претстава, проекција на детски анимиран филм и ќе добијат новогодишни пакетчиња.

Акцијата почнa од Скопје со заеднички новогодишен настан во Кинотека Македонија каде 150 дечиња се дружеа и фотографираа со Дедо Мраз и добија новогодишни пакетчиња. „На новогодишните празници најмногу им се радуваат децата. Да се биде дел од таа радост и да се сподели истата со другите е голема чест и задоволство, затоа веќе традиционално заедно со Црвен крст на РМ ги организираме овие дружења со дечињата“,  рече Ленче Карпузовска менаџер на одделот за Комуникации во ЕВН Македонија. 

Сузана Тунева Пауновска секретар на Црвен крст на град Скопје, посочи дека ЕВН Македонија и Црвен крст на РМ ќе организираат представа, средби со Дедо Мраз и ќе поделат новогодишни пакетчиња и за децата од Битола, Штип, Струмица, Кочани, Кичево, Струга и Гевгелија.

Празничната недела ќе заврши со учеството на ЕВН во манифестацијата „Новогодишните бои на Скопје“ каде корисниците кои ќе победат на конкурсот за најубаво украсен двор, куќа, тераса и угостителски објект ќе бидат наградени со еднократно ослободување од плаќање на декемвриската сметка за електрична енергија.