Хуманитарна акција на Атлантик Групa и Црвениот крст на Скопје

Добивај вести на Viber

Вработените во компанијата Атлантик Групa во Македонија, во соработка со Црвениот крст од Скопје, иницираа хуманитарна акција во која вработените, заедно со своите семејства, ќе донираат облека, обувки, постелнини, прехранбени производи, книги, покуќнина, детски играчки и се што може да им помогне на најсиромашните семејства кои живеат во тешки услови. За таа цел, во наредните неколку дена, вработените организирано ќе собираат работи за донации, кои потоа ќе бидат доставени до Црвениот крст на Скопје, а оттаму ќе бидат дистрибуирани таму каде што е најпотребно. -Одговорноста кон своите вработени, деловни партнери, финансиската заедница, животната средина, како и одговорноста спрема јавниот сектор и пошироката општестевена заедница, е составен дел на корпоративната стратегија на Атлантик Групaта, која континуирано настојува своето општествено одговорно работење во сите сегменти да го прилагоди на регионалните услови и потребите на земјите во кои работи, вклучувајќи ја и Македонија. Се надеваме дека и оваа хуманитарна акција ќе влијае во подигнувањето на јавната свест и дека ќе им помогне на најзагрозените семејства, кои често се повеќечлени домаќинства и на кои секоја донација им е добродојдена” - изјави Елизабета Мирчевска, директор за човечки ресурси во Атлантик Групa-Македонија. Оваа донација е само една од низата активности кои ги презема Атлантик групa за подобрување на квалитетот на живот на најзагрозените социјални категории  на кои помошта им е најпотребна,  и на тој начин настојува да го даде својот придонес и да го насочи вниманието кон решавање на некои од клучните проблеми со кои се соочуваме во време на криза.