Хуманост: Седумдесет желби за децата од згрижувачките семејства

Добивај вести на Viber

Седумдесет деца сместени во згрижувачки семејства денеска ги испратија своите новогодишни желби до граѓаните на Скопје. Желбите ги испишаа на картички со кои ја закитија Новогодишната волшебна елка на желби поставена во Трговскиот центар Рамстор. Се до 30-ти декември,сите хумани граѓани кои сакаат да им помогнат на овие деца ќе може да учествуваат, односно секој може да одбере и оствари новогодишна желба на некое од децата. Акцијата е замислена на тој начин што секој граѓанин може да избере која картичка со желба ќе ја исполни, па купениот подарок заедно со картичката ќе треба да го остави на означетното место за среќното дете. „Акцијата Новогодишна волшебна елка заедно со нашите партнери ја правиме веќе четврта година по ред, а причината за тоа е, покрај среќните лица и радоста кај овие деца и добрата и позитивна реакција на граѓаните. Тие ги читаа желбите од децата и одеа да го купат саканиот подарок. Тоа е целта на оваа донаторска акција, поврзување за инвидуално и заеднички да продонесеме за среќата на овие деца. Рамстор и понатаму ќе продолжни, да иницира, учествува и поддржува донаторски акции и да помогне онаму каде што е потребно“, изјави Ебру Радевски, менаџер на Рамстор . Доделувањето на подароците ќе биде на 30.12.2012, а оваа донаторската активност се организира по четврти пат меѓу ТЦ Рамстор, Црвениот крст на Град Скопје и Меѓуопштинскиот центар за социјална работа од Скопје.