И ЃАВОЛОТ ПРАДА САКА ДА НОСИ ВЕРСАЧЕ: Групацијата преговара за брендот на Донатела и Џани
Објавено во: Економија 12 Јануари, 2025
Дали брендот Версаче е повторно на продажба?Италијанскиот весник Il Sole 24 Ore објави наводни преговори во кои се вклучени советници од инвестициската банкарска групација Citi.
Во петокот наутро, Il Sole 24 Ore ги наведе пазарните шпекулации во извештајот за потенцијалното преземање на Версаче од страна на Групацијата Прада.
Откако американскиот федерален суд го блокираше спојувањето на Капри Холдингс, сопственик на Версаче и Тапестри (сопственик на брендовите Коуч и Кејт Спејд), Капри Холдингс ја ангажираше Баркли да истражува алтернативни опции, наведува весникот. Капри холдингс, наводно, предложил потенцијален договор на Прада и нејзините партнери во Citi за продажба на брендот.
Доколку дојде до договор, Версаче ќе има среќа да се приклучи на семејството на брендови Прада, кое покажа извонредна издржливост за време на забавувањето на продажбата на луксузни стоки. Додека сопственикот на Гучи, Керинг и сопственикот на Луј Витон, ЛВМХ, објавија лоши резултати во последните квартали од 2024 година, Групацијата Прада триумфално објави дека нето приходот за првите девет месеци пораснал за 18 отсто на годишно ниво - поттикнат од зголемената популарност на моделот Miu Miu.
Сепак, не е сигурно дека „магијата“ на Прада би функционирала на Версаче. Иако и двата бренда делат италијанско потекло, нивните естетски пристапи се на спротивните краеви на спектарот. Додека Версаче стана познат по своите разиграни дезени и раскошни детали, Прада остана доследна на дизајнерската филозофија на воздржаност, која наиде на силна резонанца во последниве години.
Од друга страна, Версаче претрпе големи удари поради општиот пад на перформансите во луксузниот сектор. Во ноември, Capri Holdings објави дека приходите на Versace паднале за 28,2 отсто во вториот фискален квартал од 2025 година. Се чини дека брендот се бори со потрошувачите, а на пазарот доминираат големите луксузни играчи како Луј Витон и новодојдените брендови како Jacquemus.
фото: EPA-EFE/Mourad Balti TouatiМожеби ќе ве интересира
ЗА САМО НЕКОЛКУ ГОДИНИ, ГО ОСВОИЈА СВЕТСКИОТ ПАЗАР НА АВТОМОБИЛИ: Еве ја тајната на нивниот успех и како успеаја во тоа
СИТЕ ЗБОРУВААТ ЗА ГРЕНЛАНД, НО ШТО ЗНАЕМЕ ЗА НЕГО? Еве се што не сте знаеле за островот кој е во центарот на вниманието на Трамп
КАКО FLIX BUS ГО СПАСИ 110-ГОДИШНИОТ АМЕРИКАНСКИОТ ПРЕВОЗНИК: Ја освоија Европа, па за само 172 милиони долари ја купија Greyhound Lines
ИЛИ ВРЕДЕН ИЛИ ИЗМАМНИК – Работник во Германија заработувал дополнителни 150.000 евра годишно од прекувремена работа и дежурства
ПО ЦЕЛИ 10 ГОДИНИ ОД ИТАЛИЈА ПОВТОРНО ЌЕ СЕ ЛЕТА ДО ЛИБИЈА: ИТА Ервејс ги обнови летовите до Триполи
КАКО ГЕРМАНЦИТЕ ГО ПОДНЕСУВААТ ДОБИВАЊЕТО ОТКАЗ? Може да земаат социјална помош до пензионирање
И ДАНЛОП НА ПРОДАЖБА! Јапонската компанија Sumitomo Rubber Industries го купува од американскиот Goodyear
ЗАРА, СТРАДИВАРИУС И БЕРШКА ГИ ЗАТВОРААТ ПРОДАВНИЦИТЕ ВО ЕДЕН ОД НАЈПОЗНАТИТЕ ШОПИНГ МОЛОВИ: Французинките се разочарани
УШТЕ ЕДЕН ПОПУЛАРЕН СИНЏИР ЗА МЕБЕЛ ЈА НАПУШТА ДРЖАВАТА: По повеќе од 15 години ќе ги нема на овој пазар, а работниците остануваат на улица
