И покрај рекордниот број починати, сепак протестираат оти не сакаат да се вакцинираат
Објавено во: Балкан, Корона Вирус 03 Октомври, 2021
Романците протестираат против вакцините и покрај рекордниот број заболени од коронавирус.
Неколку илјади луѓе протестираа во Букурешт на повик на десницата, против задолжителното вакцинирање. Антиваксерите велат дека им се кршат човековите права затоа што без пропусница не можат да одат никаде. Целосно е вакцинирана само третина од 19 милиони Романци, што е најниската стапка во Европската унија веднаш по Бугарија. Вчера имаше повеќе од 12.000 новозаразени, најмногу на дневно ниво од почетокот на епидемијата, а 184 заболени починале.
Романскиот здравствен систем, кој романските граѓани го гледаат како силно корумпиран, неефикасен и со политички именувања, беше под голем притисок и пред пандемијата на коронавирусот. Романија во последните 30 години изградила само една болница и најмалку издвојува за здравството од членките од ЕУ, а десетици илјади доктори и медицински сестри ја напуштија земјата.