И Стејт-департментот се јави за извештајот на ЕК
Објавено во: Македонија 19 Април, 2018
Американскиот Стејт департмент дава безрезервна подршка за евроатлантската иднина на Македонија, откако земјата доби неусловена препорака од Европската комисија за започнување на преговори за членство во ЕУ.
На прашање од МИА како САД ги оценуваат напорите на новата македонска Влада за подлабоки реформи и демократизација на општеството, од Стејт департментот изјавија дека САД продолжуваат да работат со Македонија на овие предизвици.
„Со Владата работиме на спроведување на судските реформи и владеењето на правото, слободата на медиумите и одговорно владеење. САД остануваат верен пријател и партнер на Македонја и ја подржуваме евроатлантската иднина на земјата“, изјавија денес од Стејт департментот.
Воедно, САД даваат и силна подршка на возобновените разговори под покровителство на ОН за спорот со името на Македонија и очекуваат разрешување на оваа долготрајна причина за раздор помеѓу Грција и Македонија.
„Ги охрабруваме двете земји да демонстрираат потребна флексибилност и креативност за да се најде заеднички прифатливо решение во интерес на безбедноста, економскииот развој и мирот во регионот“,се вели во изјавата од Стејт департментот.
Можеби ќе ве интересира
Г.Г.СТЕФАН: Што е можно побргу, да се освестиме и да се обединиме како народ
ПРИТВОР ОД ОСУМ ДЕНА: Kaвадарчанец спречил полицајци да фатат побегнат затвореник
МОЈСОСКА: Апел до сите пратеници да се откажат од патните трошоци по примерот на Левица
МИЦКОСКИ: Воскресението е потврда дека надежта секогаш ќе победи
ПЕНДАРОВСКИ ГО ЧЕСТИТА ВЕЛИГДЕН: Да се сплотиме околу визијата за хумано, праведно и просперитетно македонско општество
ВИСТИНСКИ РАЈ ЗА ОЧИ: Скопјанка во неколку техники украсува велигденски јајца
ПРОГНОЗА: Kaкво време ќе имаме денеска и следните денови?
ХРИСТОС ВОСКРЕСЕ: Православните верници го слават Велигден
