И ТУТУНАРИТЕ ГИ ОГРЕА СОНЦЕ: 25 милиони евра субвенции од денес легнуваат на сметките на тутунопроизводителите
Објавено во: Агробизнис 28 Јуни, 2017
25 милиони евра или 1.5 милијарди денари денеска и утре ќе легнат на сметките на сите тутунопроизводители.
Ова го соопшти министерот за земјоделство Љупчо Николовски кој истакна дека за еден месец Владата успеала да се справи со сите блокади и пречки за исплата на субвенциите за тутунот.
„Во Министерството за финансии се пристигнати сите налози за исплата на субвенциите за тутунот во износ од речиси 1.5 милијарди денари или близу 25 милиони евра, со што комплетно ќе бидат исплатени сите тутунопроизводители. Земјоделците денеска во попладневните часови и утре во текот на целиот ден ќе можат да си ги подигнат парите од банките. Изминативе недели направивме напори за да се деблокира исплатата и да се отстранат сите пречки“,изјави министерот.
Тој напомена дека за да почне исплатата на субвенциите го промениле Законот за земјоделство и рурален развој, со што се оддложи важноста на условите за подмирени обврски кон Управата за јавни приходи.
-Вработените во подрачните единици на министерството ги задолжил да ги внесуваат податоците од подружниците на АД Водостопанство, со цел земјоделците кои ги подмириле обврските за водарина по 15 јануари годинава, да бидат внесени како водокорисници кои не должат по основ на договор за водарина а од секторот земјишна политика се ажурирала базата на податоци, со цел на земјоделците кои должат за неплатена концесија на државното земјоделско земјиште преку пат на пребивање да може да им се исплатат субвенциите за тутун.
Дополнително се ажурирала и базата во делот за Јапонската помош, што исто така беше еден од предусловите за да може да се исплатат субвенците.
Николовски посочи дека Владата останува отворена и ќе работи за решавање на сите проблеми за земјоделците.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
