Иднината на Македонија во раце на три албански партии

Добивај вести на Viber

Трите албански партии во земјава - Демократската унија за интеграција (ДУИ), партијата Беса и „Алијанса за Албанците“, се договорија за заеднички став на претстојните преговори за формирање на идната влада во Скопје. 

Во заедничката изјава трите партии велат дека нивната заедничка позиција се базира на резултатите од парламентарните избори на 11-ти декември, на духот на Охридскиот договор, напредокот и долгорочната стабилност на Македонија и решеноста на земјата да влезе во НАТО и ЕУ.

Во соопштението се наведуваат конкретните цели кон кои ќе се стремат партиите како дел од идната влада или како дел од секое друга влада во Македонија. Овие цели вклучуваат целосно почитување на Охридскиот договор и Уставот, еднакви јазични права, употребата на албанскиот јазик во сите гранки на власта заедно со македонскиот како официјални за земјата, економска еднаквост преку рамноправен регионален развој и исто учество во преговорите со Грција за спорот за името на државата според европските вредности и меѓународното право. 

По прашањето за спорот за името албанските партии претендираат да учествуваат во работната група за директни преговори со Грција.

Да потсетиме дека само пред два дена поранешниот премиер и лидер на ВМРО-ДПМНЕ Никола Груевски изјави дека не може да има двојазичност во Македонија. На последните избори СДСМ оди со понуда кон Албанците, која нема да им го подобри животот, но звучи примамливо на прв поглед, особено кога некој друг вели не, изјави тој за неделникот „Република“.