Илиевски: Година на реорганизација и штедење во ЈСП
Објавено во: Македонија 17 Јануари, 2022
За новиот директор на ЈСП, Иван Илиевски, 2022 ќе биде година на опоравување на претпријатието. По повод обележувањето на 74 години на ЈСП беа доделени награди и благодарници за стаж над 40 години за вработените, а на настанот денеска присуствуваше и градоначалничката на Град Скопје, Данела Арсовска.
„Оваа година ќе се направи реорганизација и штедење на средствата. Ќе биде тешка година поради цените на енергенсите, но мора да успееме да направиме ова претпријатие конечно да биде вистински сервис на граѓаните. Проблемот е што минатите 4 години се таложеле долгови, а притоа никој не водел сметка за тоа како работи ЈСП. Затоа започнуваме со поставување на работите во систем што ќе функционира“, рече директорот на ЈСП, Иван Илиевски.
Илиевски наедно најави и одобри услови за работа и вистинско вреднување на трудот на возачите на автобусите.