Им дошло преку глава од сиромаштија, ќе си го продаваат селото на интернет

Добивај вести на Viber

„Селото е многу убаво и многу големо. Има три маала и големо земјиште...“, стои во интернет објавата со која се огласува продажба на бугарското село Черно Поле, во близина на бугарско-српската граница. Извесен Иван Смарданов, кој го објавил огласот, вели дека селото се продава заедно со локалните жители. Цена не е објавена, а понудувачот вели дека за парите ќе разговара само со сериозни купувачи, кои најпрвин ќе го разгледаат селото. Огласот предизвикал сензација во Бугарија и само за еден ден е прегледан 3.000 пати. Бугарските медиуми се обиделе да стапат во контакт со продавачот, но на наведениот телефонски се вклучувала говорна пошта. Но, затоа селскиот кмет Тодор Тодоров бил изненаден од понудата. Тој смета дека понудувачот потекнува од тоа село. Сепак Тодоров низ насмевка вели: „Никој нема да не купи!“. Во моментов во селото живеат 283 луѓе, нема работа, нема доволно храна. „Сигурно некому му дошло преку глава“, вели селскиот кмет.