Им наплаќале и ги вакцинирале со вода

Добивај вести на Viber

Повеќе од 800 луѓе во Уганда се вакцинирани со вода. Скандалот е откриен кон крајот на јуни. 

Групата оперирала во главниот град Кампала, а ја сочинувале две медицински сестри и едно лице кое се претставувало како лекар. Двете сестри се наоѓаат во притвор, а „докторот“ успеал да избега и полицијата сѐ уште трага по него. Групата функционирала на тој начин што лажниот лекар наоѓал компании убедувајќи ги да ги вакцинираат вработените по специјална цена за нив - од 28 до 56 долари по доза. Вакцините кои неговата група велела дека ги има на располагање биле оние на AstraZeneca произведени во Индија. Властите на Уганда стапиле во контакт со индиските колеги за проверка на веродостојноста на нивните открија, па се востановило дека во Индија не само што никогаш не испратиле таква пратка вакцини во Уганда, туку воопшто не произвеле. Тогаш станало јасно дека вакцините се лажни.

Од почетокот на пандемијата во Уганда се регистрирани 90 илјади случаи на COVID-19, а околу 2.400 луѓе ги загубија животите поради болеста. Сепак, со оглед на малиот број тестирања се претпоставува дека бројката на заразени и починати е далеку поголема.

Вакцинацијата во Уганда се одвива со многу бавно темпо поради недостаток на вакцини кои требаше да стигнат преку КОВАКС системот на ОН наменет за сиромашните земји.

Скандали имаше во повеќе земји во светот. Измамници вакцинираа луѓе со вода или со физиолошки раствор. Вакви случаи имаше во Италија, Полска, Мексико. 

foto unsplash