Има нови заразени, меѓу кои и дете
Објавено во: Македонија, Корона Вирус 19 Март, 2020
До 16:00 часот дијагностицирани се 6 нови пациенти, заболени со коронавирус, пишува на Фејсбук министерот за здравство, Венко Филипче.
„Се работи за едно девојче од Штип на 4-годишна возраст, кое се инфицирало во градинка во Англија. Семејството се вратило во земјата на 14 март и било во домашна излоација. На тестирање се јавиле вчера, два дена откако девојчето ги почуствувало првите симптоми. Во Дебар се регистрирани 3 нови случаи на коронавирус, тестовите се направени во рамките на скринингот. Во Скопје е регистриран 1 случај, контакт на претходно дијагностицираните. И во Гостивар е потврден случај на коронавирус. Се работи за жена вратена од Швајцарија која била во домашна изолација. На тестирање се јавила сама, а на епидемиолошката анкета навела дека имала контакт со заболен во Швајцарија“, пишува тој.
Се тестираат уште 35 лица.