Има вонреден надзор откако 17 годишна девојка почина од коронавирус
Објавено во: Македонија, Корона Вирус 29 Октомври, 2021
Државниот санитарен и здравствен инспекторат уште од вчера попладне почнал со вонредниот надзор за смртта на 17 годишната пациентка.
Младата пациентка на Инфективната клиника е хоспитализирана во многу тешка состојба, 9 дена по појавата на првите симптоми. Со Брза Помош ја транспортирале од битолската болница каде престојувала само еден ден, но поради ниската сатурација и влошената состојба итно била префрлена на скопските клиники. Починатата девојка имала дијабетес.
Министерството за здравство вчера соопшти дека на Клиниката за инфективни болести и фебрилни состојби починала 17 годишна пациентка од село Сопотиница, Демир Хисар.
Таа е трета малолетничка која почина од коронавирусот во Македонија.