Индустрискиот промет падна за 32,2%

Добивај вести на Viber

Според податоците на Државниот завод за статистика, индексот на прометот во индустријата во септември 2012 година, во однос на септември 2011 година, изнесува 67.8. Додека индексот на прометот во индустријата остварен на домашниот пазар во септември 2012, во однос на септември 2011 година, бележи опаѓање од 28.3%, а индексот на прометот остварен на странските пазари бележи опаѓање од 34.5%. Во секторот Рударство и вадење на камен во септември 2012 година, во однос на септември 2011 година, е забалежан пад  од 16.4%, а во секторот Преработувачка индустрија бележи опаѓање од 32.9%. Според главните индустриски групи, прометот во септември 2012 година, во однос на септември 2011 година, бележи опаѓање кај Енергија за 99.5%, Интермедијарни производи, освен енергија за 17.7%, Капитални производи за 17.6%, Tрајни производи за широка потрошувачка за 18.8% и Нетрајни производи за широка потрошувачка за 20.9%. Индексот на прометот во индустријата во септември 2012 година, во однос на август 2012 година, изнесува 98.0, додека во периодот јануари-септември 2012 година, во однос на периодот јануари-септември 2011 година, изнесува 86.2.