ИНФЛАЦИЈАТА ВО ОБЕДИНЕТОТО КРАЛСТВО - 10,1 ОТСТО, поттикната од зголемените цени на храната и горивата
Објавено во: Економија, Свет 17 Август, 2022
Британските медиуми јавуваат дека во јули месец стапката на инфлација во Обединетото Кралство се искачила на 10,1 отсто, при што бележи зголемување во споредба со претходниот месец.
Инфлацијата во Обединетото Кралство се искачи над 10 проценти за прв пат по 40 години, поттикната од зголемените цени на храната и горивото бидејќи домаќинствата се под зголемен притисок од кризата на трошоците за живот.
Двоцифрени стапки на инфлација Обединетото кралство последен пати имало во повисока во февруари 1982 година, јавува Гардијан.
Ова е четврти пат во 70 години инфлацијата да го надмине прагот од 10 отсто, а другите периоди се 1951-2, 1973-77 и 1979-82.
Најголемите зголемувања се забележани кај лебот и житариците, млечните производи, месото и зеленчукот, при што зголемената цена на храната доведе до рекордно зголемување на цените на рестораните и хотелите и ги зголеми трошоците за готови производи. Зголемувањето на инфлацијата ја зголемија и цената на другите основни производи, како што се храната за домашни миленици, тоалетните ролни, четките за заби и дезодорансите.
Цените за аранжманите за одмор и авионските билети нагло пораснаа, поттикнати од летниот наплив што се одрази на преполните аеродроми низ земјата.
Домаќинствата се очекува да бидат под дополнителен притисок оваа есен поради новиот пораст на сметките за енергија, за кои Банката на Англија прогнозира дека ќе ја доведе инфлацијата над 13 проценти и ќе предизвика долга рецесија, бидејќи семејствата ќе ги зауздаат своите трошоци.
Зголемените цени на енергијата во Европа, влошени со руската инвазија на Украина, поттикнаа висока инфлација низ целиот континент. Иако цените на бензинот и дизелот во Британија се намалија во јули од рекордните нивоа забележани еден месец претходно, ОНС соопшти дека трошоците останале значително повисоки од една година порано, што ја зголемува инфлацијата.
Економистите предупредија дека зголемените цени на храната и зголемувањето на сметките за енергија најмногу ќе ги погодат посиромашните семејства.
- Ќе бидат потребни многу месеци и многу повеќе болка за животниот стандард, пред да почне да се намалува инфлацијата. Значи, приоритет број еден за следниот премиер ќе биде да понуди значителна поддршка за да им помогне на милиони семејства низ бруталната зима и пошироко - рече Џејмс Смит, истражувачки директор во тинк-тенкот на Фондацијата Резолуција.
Фото: EPA/ ANDY RAIN
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2023 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
Заеднички со Унгарија ќе се бориме против таксата на Бугарија за руски гас
ШЕСТ МИЛИОНИ ЕВРА ПЛАТЕНИ ЗА ЕДЕН ДЕН - „Крејон Македонија“ ја доби првата „сочна“ исплата за сајбер одбраната по новиот договор
СИТЕ САКААТ ДА БИДАТ „ФРИЛЕНСЕРИ“ - Кои се предностите на „гиг“ економијата
„Вози Мишко“ од јули до септември! 74.000 Македонци избрале автобус на летување на море и шопинг во странство
Бислимовски: Од утре официјално дневна евтина тарифа за струја
Генерали инвестментс: Црн петок и продажба од 9,8 милијарди долари во САД ?️
ГЕРМАНСКАТА ЕКОНОМИЈА ТОНЕ ПОРАДИ ЕДЕН МНОГУ ВАЖЕН ФАКТОР: Недостиг има кај 80 отсто од компаниите
Ниту небото не е лимит за нив! Во која државна фирма просечната плата изнесува 2.500 евра?
УЈП со решенија за осум блокирани сметки на компании кои не платиле солидарен данок
