Инвестиции: Само Турција ни е спасот!

Добивај вести на Viber

Турција, која во последната декада спроведе мултидимензионална и мултирегионална надворешна економска политика  со своите партнерства на сите четири страни од светот е алката која  може да и помогне на Македонијаво зацврстување и создавање нови економски врски, порача претседателот на Стопанската комора на Македонија Бранко Азески на денешниот Форум „Земјите од Западен Балкан - регионална инвестициска дестинација и заеднички настап на трети пазари.

„Како мала земја и како мали компании не можеме ништо да направиме без компаниите во регионот и без компаниите на најмоќната  економија што е најблиску до нашето опкружување, а тоа е турската. Затоа за нас е логично поврзувањето кое денеска го промовираме, бидејќи мислиме дека ваквата алијанса ќе доведе до подобра извозна позиција на нашите компании, рече Азески.

Според Азески, Турција, е земјата која ја има најјаката економија во регионот и е најголема локомотива на економскиот развој, па затоа Македонија мора да ги искористи врските со оваа држава. Тој посочува дека по 2015 година со оперализацијата на железницата под Босфор, стоките кои доаѓаат од Азија преку тој коридор ќе добијат многу значајно место на нашите пазари и обратно.

Затоа вели Азески, Коридорот 8 ќе стане многу стратешка алка за сите нас во наредните пет години и мораме да ја бараме поддршката од Турција.

Претставникот на ДЕИК,  Хасан Хошбен истакна дека Турција има доволно сила за да биде лидер на регионот на економско поле и потенцира дека лани остварила 12 процентен пораст на националната економија. Тој го иднината на Македонија ја гледа во младите од кои  40% се  солидно образовани.

„Доколку успееме да ги  споиме малдите и образовани кадри од Македонија и Турција тоа ќе биде еден вид на генератор за економски развој во споредба со застарената Европа. Македонија привидно изгледа како мал пазар од два милиони, но треба да се гледа како можност за отворање кон еден поширок пазар од 650 милиони. Најпрво самите вие во Македонија треба да поверувате во тоа, а потоа и странските инвеститори, рече Хошбен и додаде дека Македонија треба да почне да размислува за зголемување на својот извоз кон Турција.

Денешниот Форум се одржува на иницијатива на Стопанската комора на Македонија, а со поддршка на Одборот за надворешна трговија и Унијата на трговско-индустриските комори и стоковни берзи на Турција -ДЕИК.