ИСКРЕНА ПРИКАЗНА НА ДОКТОРКАТА ОД КУМАНОВО: КОВИД-19 не е шега, болеста не треба да се крие

Добивај вести на Viber

На фејсбук се огласи докторката од Куманово, Гордана Николиќ, за која беше утврдено дека е позитивна на коронавирусот. 

Таа искрено ја раскажа својата приказна, нагласувајќи дека тоа не е нешто што треба да се крие.

„Драги мои фб пријатели Ковид -19, не е шега!!! Да, ПОЗИТИВЕН ми е тестот на Ковид -19 . Денес дознав .Шок , секако....не сакам да верувам. Немам написмено, ама ми соопштија . Ова не се крие, се кажува, допрва ќе има случаи. Но, за нас медицинските лица тоа е нешто за што знаеме дека може да ни се случи, данок на професијата, космонаутската заштитна маска доцна ја купив значи.. Можам само да претпоставувам од кого го добив, не да тврдам. За тоа епидемиолозите ќе се погрижат., ако можат воопшто да најдат. Имав контакт, службено и со заболената која почина, имав контакти и со "здрави" луѓе на работа. Не шетав никаде надвор од МК. Не знаеме кој е носител , а е навидум здрав. Никој не сака свесно да пренесе некому, затоа СЕДЕТЕ ДОМА , вие кои не морате да одите на работа. Не одете на кафе по комшии, правете муабет на растојание од 2 метра ако веќе морате. Користете мобилен за муабет. Јас еве сега ќе бидам во карантин дома, нема да излегувам од дома, да не ми се плашат прво комшиите во влезот. Нема ни во лифт да се возам да знаат. Кеси со храна и друго пред врата ќе ми оставаат мои блиски и откако ќе си заминат ќе ја земам кесата . Не се плашам за мене, се плашам за другите. И се си мислам дека ова е лош сон, ама не е. Реалност е. Отидов да пијам чај и сок од лимони, да правам смути, да пијам суплементи. За сега сум ок, освен главоболка и лесно кашлање, немам друг сипмтом. Цел живот нешто се борам и еве пак.Чувајте се. Постот го пишувам за доброто на сите“, напиша докторката на својот фејсбук профил.

Таа и утрово напиша каква е нејзината здравствена состојба, објавувајќи фотографија со снегот надвор, за кој вели дека ќе му се радува само од тераса.

„Утринска самовизита. Немам покачена температура, лесно поткашлувам, лесна главоболка, ноќеска грозница без температура. Затнат нос, намален апетит, изгубен осет за вкус . Мед, чај и сок од лимони , денот може да почне. Да не пишувам поединечно во порака како сум за сите кои ме мислат. :) Снегот е преубав....ама јас од тераса ќе му се радувам“, вели докторка Николиќ.

И посакуваме брзо оздравување.