Исламската држава престана да црпи нафта во Сирија во страв од бомбардирањата

Добивај вести на Viber

Исламската држава престана да вади нафта од шест нафтени полиња во Сирија, кои ги држи под контрола во источната покраин Деир Езор, во страв од нови воздушни напади од меѓународната коалиција. Како што потврдиле претставници на џихадистичката организација, извлекувањето на нафтата е прекинато од безбедносни причини. Работата е запрена насите полиња, освен на полето Конеко, од кое се испорачува природен гас потребен за производство на струја во шест покраини. Веќе неколку месеци Исламската држава ги контролира најважните нафтени полиња во Деир Езор и произведува повеќе нафта отколку сириската Влад. Сириското Министерство за нафта проценува дека џихадистите црпат 80.000 барели нафта на ден, додека државното производство на Сирија паднало на само 17.000 барели на ден. Според независни извори, Исламската држава сепак произведува помалку - околу 50.000 барели на ден во Сирија. Сепак, пресметките се дека терористите контролираатседум полиња и две рафинерии во северен Ирак и шест од десет нафтени полиња во Сирија. Нафтата е еден од нивните главни извори на финансирање. Авионите на САД и арапските земји и денеска трет ден по ред ги нападнаа нафтените капацитети на Исламската држава во Сирија, во обид да им попречат на џихадистите да го користат вредниот енергенс.