18 Февруари, 2019
0.3598
    ALK 8270.19    0.24%     BESK 9001    -0.13%     GRNT 815.38    0.18%     KMB 5381.26    0.03%     MKSD 196.29    1.98%     MPT 51400.09    0.2%     MTUR 5100    0.01%     OHB 6651    0.02%     RMDEN15 97    0%     RMDEN17 98.2    0%     RZEK 30    0%     RZIT 20    0%     RZLV 102    -2.86%     RZTK 503    4.57%     SBT 2281.83    -0.01%     STB 1230    -0.81%     STIL 122    0%     TEL 310    0.28%     TETE 2290    4.09%     TKVS 5254.57    -0.86%     TNB 15300.44    0.46%     TTK 1380.02    -2.13%     UNI 2220    0.43%     ZILU 246    0.04%

ИСТРАГА „ПАЦИЕНТ“ НА СЈО: Кој од функционерите на ДУИ е вмешан?

Објавено во: Македонија 10 Октомври, 2018

Во истрагата  „Пациент“ на Специјалното јавно обвинителство, постои основано сомнение за злоупотреба на службената положба и овластување на службени и одговорни лица во постапки по јавни набавки за извршување на градежни и градежно – занаетчиски работи во повеќе Јавни здравствени установи низ државата. Во истрагата се вклучени 15 лица, меѓу кои и еден поранешен министер за здравство.

Постои основано сомнение дека во 2010 година четворица од осомничените, Фатмир Авмедовски, Бетим Љамалари, Менсур Ибрахими и Жаклина Чагороска, како одговорни лица – претседател и членови на комисијата за јавни набавки во Министерството за здравство на РМ, при вршење на јавна набавка бр 02/2010 за изведување на градежни и градежно – занаетчиски работи во повеќе Јавни здравствени установи низ Македонија, поднеле незаконит предлог за избор на најповолна понуда, а осомничениот Бујар Османи, како министер за здравство, наместо да го одбие предлогот на Комисијата, донел решение за избор на најповолна понуда на понудувачот ГБС – Благоевград – Република Бугарија.

Имено, од доказите произлегува дека осомничените членови на комисијата, го фаворизирале понудувачот ГБС – Благоевград, и покрај тоа што знаеле дека овој понудувач не ги исполнувал условите од тендерската документација, односно не ги поседувал потребните овластувања за инженерите за изведба, а во предмер пресметките кои се составен дел на понудите, не направиле ниту точен збир на податоците, поради што не утврдиле дека понудата на Ингра Загреб е за 637.303,00 денари поевтина од онаа на ГБС Благоевград.

Иако сето ова му било познато и на министерот за здравство, тој не го одбил предлогот туку донел решение и ја избрал понудата на ГБС Благоевград како најповолна, и покрај тоа што вредноста на понудата е поголема од проценетата вредност по јавната набавка и на правниот субјект му овозможил имотна корист во износ од 21.604.150,59 денари.

Во понатамошното мое излагање ќе слушнете како при изградба и реконструкција на ЈЗУ „Општа болница Охрид“, ЈЗУ Клиничка болница Тетово и ЈЗУ ГАК Чаир, различни лица во различни периоди причиниле штета на буџетот на РМ.

Имено, во текот на 2010 година истите осомничени Фатмир Авмедовски, Бетим Љамалари, Менсур Ибрахими и Жаклина Чагороска, во друга постапка за јавна набавка бр. 03/2010 за изведување на градежни и градежно – занаетчиски работи во ЈЗУ „Општа болница Охрид“, поднеле незаконит предлог за избор на најповолна понуда и повторно ја избрале понудата на понудувачот ГБС Благоевград кој сѐ уште не ги поседувал потребните овластувања за инженерите за изведба, а со тоа не ги исполнувал ниту условите од тендерската документација.

Министерот за здравство Бујар Османи, го прифатил и овој предлог и склучил договор со понудувачот ГБС Благоевград на износ од 127.533.691 денар.

Според доказите, во текот на 2013 година во постапка за јавна набавка бр 07/2010 за реконструкција и доградба на ЈЗУ Клиничка болница Тетово, осомничените: Делче Арсоски како раководител и Дамир Лончариќ како управител во фирмата Ингра Загреб-подружница Ингра Скопје, потпишале и завериле завршна ситуација со невистинити податоци по однос на количините на вградените материјали и нивниот квалитет.

Потоа, завршната ситуација била доставена до одговорните надзори, осомничените Ангел Икономов, Александар Диманин и Заре Здравески, кои без да ги проверат количините, ја потпишале и одобриле.

Осомничениот Љупчо Мијајлески, како одговорен инженер во проектната единица за реконструкција и доградба при МЗ на РМ, ја одобрил без да ја провери, а исто така и не побарал да биде активирана банкарската гаранција за неквалитет.

Завршната ситуација била основ за плаќање на парични средства, кои средства и биле исплатени , со што причиниле штета на Буџетот на РМ во вкупен износ од 719.470,00 денари, а за правното лице ИНГРА Загреб-Подружница Ингра во Скопје прибавиле имотна корист во висина од 6.005.461,00 денари.

Во текот на 2012 година во постапка за јавна набавка број 02/2010 за реконструкција на болницата Чаир осомничениот Александар Наумовски, како раководител на работите во фирмата ГБС Благоевград, која е изведувач на градежните работи, изготвил завршна ситуација, со невистинити податоци по однос на количините на вградените материјали и нивниот квалитет.

Завршната ситуацијата ја доставил до осомничениот Димче Ивановски, кој како одговорен надзор ја потврдил, а потоа осомничените Јадранка Ношпал, специјалист за градежни работи и Славица Тасевска Николовска, проект менаџер од проектната единица при Министерствотo за здравство, без да ја проверат, ја потпишале и одобриле завршната ситуација, која била основ за плаќање на парични средства, кои средства и биле исплатени, со што причиниле штета на Буџетот на РМ во вкупен износ од 1.568,828 денари.

Oва е последната од шесте нови истраги на СЈО. 

Можеби ќе ве интересира

ЕКСКЛУЗИВНО Азманов: Луѓе од Финансиска полиција му давале документи на Боки 13 да ме рекетира

ЕКСКЛУЗИВНО Азманов: Луѓе од Финансиска полиција му давале документи на Боки 13 да ме рекетира

Коневски му порача на Мицковски дека ќе мора да даде оставка ако ВМРО ДПМНЕ доживее пораз

Коневски му порача на Мицковски дека ќе мора да даде оставка ако ВМРО ДПМНЕ доживее пораз

Дали заштитната ограда ги уби 15 патници на „Дурмо турс“ кај Ласкарци?

Дали заштитната ограда ги уби 15 патници на „Дурмо турс“ кај Ласкарци?

Замрзнати наставните програми на министерката Дескоска

Замрзнати наставните програми на министерката Дескоска

Ги уби ли заштитната ограда 15 патници во автобусот на „Дурмо“?

Ги уби ли заштитната ограда 15 патници во автобусот на „Дурмо“?

ПО ГОДИНА ПОМИНАТА ВО БОРБА СО РАКОТ: Ивана и Ману Торес ќе истражуваат една африканска земја

ПО ГОДИНА ПОМИНАТА ВО БОРБА СО РАКОТ: Ивана и Ману Торес ќе истражуваат една африканска земја

Заев и Ахмети денеска договараат заеднички кандидат за шеф на државата

Заев и Ахмети денеска договараат заеднички кандидат за шеф на државата

Министерот Филипче и во операциона сала ангажиран за состојбата на повредените

Министерот Филипче и во операциона сала ангажиран за состојбата на повредените

Груевски со интервју за српски Пинк: Политичкиот прогон е срам за Македонија

Груевски со интервју за српски Пинк: Политичкиот прогон е срам за Македонија