Иванов им го честита Велигден на верниците од католичка вероисповед
Објавено во: Македонија 01 Април, 2018
Претседателот на Република Македонија, Ѓорге Иванов им го
честита христијанскиот празник Воскресение христово – Велигден на верниците од
католичка вероисповед во РМ. Тој испати честитка до бискупот скопски и
апостолски ехзарх монс. Киро Стојанов како и до сите верниците од католичка
вероисповед во РМ .
„За Христијаните, денот на Христовото воскресение е најголемиот и најзначајниот
ден во историјата на човештвото. Празнувајќи ја победата на Исус Христос над
смртта, ние со благодарност ја прифаќаме единствената жртва што може да нѐ
откупи и ослободи од силата на гревот. Овој празник е и потсетување дека секој
човек има непроценлива вредност и неотуѓиво човечко достоинство, што е вродено
право и заемна обврска да ги почитуваме и прифаќаме нашите ближни и соседи со
сите нивни разлики”, вели Иванов во честитката.