Ивановска: Се гледаме на протест, убиецот на Росица и нејзиниот татко се неодговорноста и корупцијата

Добивај вести на Viber

Кандидатката за градоначалник на Општина Центар, Билјана Ивановска повика на протест во 17.30 часот пред МВР, а по двојното убиство во Велес.

„Убиецот на Росица и нејзиниот татко има име и презиме и се вика неодговорност и корупција. Доколку истрагата се води професионално, би требало да покаже кој од овие фактори преовладал, или пак двата фактори придонеле“, рече Ивановска.

Вели дека мора да постои вистинска политичка и граѓанска волја за спротивставување.

„За жал, досегашната пракса на нефункционирање остава голем простор за недоверба. Корупцијата во Македонија е присутна во сите пори. Заднинските политички мрежи ја хранат и ја прават посилна секој ден. Ако сакаме промена, мора да постои вистинска не само политичка, туку и граѓанска волја за да се спротивставиме. Досега напредокот е минимален, а времето ни бега. Од МВР очекуваме да и кажат на јавноста каде затаи системот во случајот на Росица. Секоја погрешна одлука, секоја погрешна постапка има име и презиме. Затоа се гледаме денес на протест во 17:30 пред МВР“, вели Ивановска.