Изборите ќе чинат од 12 до 15 милиони евра

Добивај вести на Viber

Од 12 до 15 милиони евра ќе чинат двојните претседателски и парламентарни избори, според Александар Даштевски, претседателот на Државната изборна комисија.

Според првиот човек на ДИК, средствата не се многу, со оглед дека се работи за двојни избори и на тоа дека гласа дијаспората во странство и треба повеќе ангажман.

- Ние кога се договаравме со министерот определивме една сума, меѓутоа после кога отиде буџетот во Собрание, многу се скрати. Не можам прецизно да ви кажам. Се надевам дека за некои дејствија ако биде потребно ќе се надополни Буџетот. Јас реков околу милијарда денари, сега е 600 и нешто милиони, меѓутоа најверојатно таа бројка ќе се зголеми, вели Даштевски во интервјуто за МИА.

Тојк додаде дека трошоците многу ќе зависат и од платената политичка кампања.

- Сега тука многу е битно дали е сметана платената политичка кампања. Ако ја сметаме тогаш тоа ја зголемува бидејќи се работи за поголема сума, меѓутоа ние никогаш не ги земаме во предвид тие бидејќи ние сме како сервис, како дистрибутери на таа операција… Тука и дијаспората многу влече, може да повлече повеќе средства од сите избирачки одбори овде, додаде тој.