Изборни нерегуларности под лупа на Зврлевски и ОЈО

Добивај вести на Viber

Како што се доближуваме до датумот за одржување на изборите, така растат и тензиите меѓу политичките партии, власта и институциите.

Последен таков пример е денешната информација која дојде од Основното јавно обвинителство.

Oд институцијата која е под палка на обвинителот Марко Зврлевски денеска соопштија дека се отворени истраги за изборни нерегуларности.

„Во насока на запознавање на јавноста со досега преземените активности, Јавното обвинителство на Република Македонија известува дека до овој момент врз основа на случени кривично правни настани се оформени вкупно 42 предмета.

Од нив 20 предмети се оформени по службена должност по допрен глас по наводите објавени во медиумите, на порталите, по социјалните мрежи.

Оформени се три предмети по кривични пријави поднесени од физички лица за сторено кривични дела поврзани со изборниот процес“, стои во соопштението на ОЈО.

Оттаму посочуваат и дека сите 42 оформени предмети се препратени на итно постапување до надлежните Основните јавни обвинителства. 

Од Скопското обвинителство не откриваат коисе лицата или политичките партии за кои е отворена истрагата.

Вчера, за потсетување, антикорупционерите отворија истрага против министерот Оливер Спасовски и општина Куманово, со образложение дека го прекршиле Изборниот Законик.

Дополнителниот министер за внатрешни, Спасовски ги негираше обвинувањата и рече дека Државната комисија за спречување на корупција нема капацитет да биде нешто повеќе од партиска инсталација, меѓу другото дека не е надлежна да реагира .

Посочи дека не повредил ниедна од насоките на Државната комисија за спречување на корупција содржани  во двата дописа добиени во Министерството, според  кои не постои пречка за издавање на наредби заради неопходно извршување на службените работи и задачи во сите државни органи, а со тоа вклучително и во МВР.