„Изо Стоне“ не издржа ниту еден месец и наплати 6,7 милиони евра за акциите во „Македонијатурист“! Кој ги купи?

Тетовската градежна компанија „Изо стоне“ не издраж ниту еден месец во „Македонијатурист“. Денеска во две блок трансакции оваа компанија ги продаде сите свои акции во „Македонијатурист“.

Станува збор за трансакции во вкупна вредност од 6,75 милиони евра. Истргувани се вкупно 44.500 акции во „Македонијатурист“. Оваа количина е идентична со бројот на акции кои претходно го имаше тетовската компанија во најголемата хотелиерска фирма во Скопје. Купопродажната цена по акција е над 9.300 денари.

Ова може да значи само едно. Дека Фатмир Етеми се повлекува од намерата да влезе на голема врата во акционерската структура на „Македонијатурист“. Затоа што сопственикот на „Изо стоне“ е бизнис партнер на Етеми.

Ова што денеска се случи на берзата наведува на заклучок дека еден од новите акционери може да биде купувач на акциите или некој што е бизнис партнер во таа заинтересирана страна за акциите во „Македонијатурист“. Засега тоа е во сферата на шпекулациите, а официјално ќе се знае идниот понеделник кога всушност во базата на Централниот депозитар ќе биде објавено кој е нов сопственик на акциите.

Повеќе детали за најновите случувања со акцијата на „Македонијатурист“ на следниот линк https://faktor.mk/mg-feshn-e-noviot-znachaen-akcioner-vo-makedonijaturist---poznatata-kompanija-sega-poseduva-77-otsto-od-hotelskiot-gigant