Јанкулоска ќе биде на друго судење кога ќе се објави пресудата
Објавено во: Македонија 08 Октомври, 2018
Поранешната министерка за внатрешни работи Гордана Јанкулоска ќе биде на друго судење за враме на објавувањето на одлуката за случајот „Тенк“ со набавката на скапиот мерцедес.
Според тоа, таа нема да присуствува на изрекувањето на одлуката во кривичен суд, која според агендата треба да биде соопштена нешто по 12.00 часот.
Екс-министерката денес има рочиште за случајот Таргет и Тврдина. На истото беше беше прашана од судијката во колку часот ќе биде објавена пресудата за да и даде пауза, на што Јанкулоска истакна дека не инсистира на пауза, бидејќи нејзиното присуство на објавата не е задолжително, па според тоа може да се заклучи дека нема да присуствува кога ќе се сооптшо пресудата.
Претходно за случајот Тенк, односно за набавката на мерцедесот од 580.000 евра, правосилно беа осудени екс премиерот Никола Груевски на две години затвор и помошник министерот Ѓоко Поповски на четири и пол години.
Ниту Груевски не присуствуваше на самото место кога првостепениот суд објави дека е осуден на две години затвор.