Јанкулоска осудена за набавка на „триаголникот“
Објавено во: Македонија 08 Октомври, 2018
Поранешната министерка за внатрешни работи Гордана Јанкулоска првостепено од кривичниот суд е осудена на шест години за злоупотреба на функцијата и неовластено купување на луксузен мерцедес во издвоениот случај под името „Тенк“.
- Обвинетатат знаела дека се работи за исклучително скапо возило. Обвинетиот Н.Г. побарал од Г.Ј. да изврши службено дејствие што не би требало да се изврши, однсоно МВР да купи возило по негова желба. Покрај тоа, се фаворизирал и економскиот оператор „МАКаутостар“, иако постоеле други конкурентни понуди. Одбраната на обвинетата до сега се правдаше за потребите од купување на ова возило, но немаше аргументи за начинот на кое е купено истото. Граѓаните воопшто не биле информирани и се било скриено од очите на јавноста - објави судијката Софија Кацарска.
Таа напомена дека техничклите спецификации биле намерно „штелувани“ за да се купи токму скапиот модел на рецедес С600-gard. Било контактирано со набавувачот Марко Јовановски, кој како сведок од Германија посочил дека МВР го фаворизирале токму тој модел на возило. Се одело и дотаму што се барало автомобилот да има и екрани на задното седиште, а беа читани и цитати од разговори од „бомбите“.
Покрај Јанкулоска, за овој случај осудени се и поранешниот премиер Никола груевски и помошникот во МВР, Ѓоко Поповски, на две, односно четири и пол години затворска казна.
Според меѓусебни разговори, Јанкулоска и Груевски се договориле да глумат дека возилото е на МВР. Во разговорите мерцедесот го ословуваат со тајна шифра „триаголникот“.