Јанушев: СЈО ни го замрзна целокупниот имот

Добивај вести на Viber

Генералниот секретар на ВМРО-ДПМНЕ, Игор Јанушев, потврди дека Основниот суд Скопје го има „замрзнато“ целокупниот имот на партијата, откако СЈО побара да се стопира продажбата и изнајмувањето на 69 објекти за случајот „Талир“, меѓу кои и луксузното седиште „Христо Татарчев“ во строгиот центар на Скопје.

- Се работи за епрофесионално и партиско обвинителство. За прв пат на Европско тло се бара замзнување на политичка партија која е во опозиција. Премиерот Зоран Заев знае дека ВМРО-ДПМНЕ е последен бедем во распродажбата на се што е македонско и посегна по нас. Ова е класичен политички прогон и политичко насилство. Да знаете дека не ви се плашиме и дека сме мотивирани уште повеќе - рече Јанушев на прес-конференција организирана специјално за овој настан.

ВМРО-ДПМНЕ како правно лице воопшто не е осомничено во случајот „Талир“ на СЈО и затоа не може да биде замзнат нашиот имот, додаде тој.

- Сето ова се случува по референдумотот. Ова е порака дека секој може да биде жртва доколку не се согласува со политиките на Зоран Заев. ВМРО-ДПМНЕ бара итно да се укине донесената мерка за забрана за продажба или издавање на својот имот. Тоа се објекти кои му се потребни на партијата за да функционира - изјави Јанушев.