Јапонски грант за општина Карпош

Добивај вести на Viber

Во просториите на Јапонската канцеларија за врски,  Градоначалникот на Општина Карпош, Стевчо Јакимовски потпиша договор за добивање на грант во износ од 57.203,00 евра (67.000 евра со  ДДВ) од Владата на Јапонија. Овие средства ќе бидат наменети за целосна реконструкција на градинката “Пролет”, која се наоѓа во населбата Козле. Градинката е изградена во 1977 година и оттогаш па до денес, не се преземени никакви посериозни зафати за подобрување на условите за децата кои ја посетуваат оваа градинка. За таа цел, сите средства ќе бидат наменети за промена на сите дрвени прозорци и врати со ПВЦ, како и тоалети, се со цел децата да учат во услови какви и заслужуваат. Општина Карпош ќе одвои средства од својот буџет за подобрување на изолацијата и со тоа овој објект ќе стане енергетско ефикасен. Реконструкцијата на овој објект ќе започне веднаш по префрлање на грантот- средствата од Јапонската Влада, кои се очекува да се изврши во април 2013 година.