„ЈАС ИМАМ ДЕЦА, ИМАМ И ВНУЦИ, СИГУРНО И ВИЕ“: Директорот на Боинг ја призна грешката што можеше да ги чини патниците живот

Добивај вести на Viber

Директорот на Боинг изјави дека компанијата „мора да признае грешка“ по минатонеделниот инцидент во кој прозорец и дел од трупот паднаа од авионот 737 Max 9 за време на лет на Алјаска ерлајнс по експлозија, пишува Гардијан. Десетици авиони „Макс 9“ беа приземјени по инцидентот и чекаат проверка поради зголемената загриженост за безбедноста. Алјаска и Јунајтед ерлајнс оттогаш пронајдоа лабави и небезбедни делови во неколку од нивните авиони.

Регулаторите (FAA) нагласија дека безбедноста на патниците ќе биде приоритет пред да почнат повторно да се користат авионите, пишува Index.hr.

„Ќе му пристапиме на ова отворено, признавајќи ја нашата грешка“, им рече Дејв Калон на вработените во Боинг на заеднички состанок во фабриката во Рентон, каде што се произведува 737. „Ќе му пристапиме со целосна транспарентност на секој чекор“, рече тој.

Калон ја опиша својата реакција на видеото од летот на Алјаска ерлајнс во петокот на кое се гледа исчезнатиот дел од трупот и неговата загриженост дека некој би можел да се наоѓа на седиштето до него, кое се случило да биде празно.

Boeing’s CEO acknowledges the company’s “mistake” as a door blowout grounded all 737-9 MAXs.

This is what I expect from the head of America’s largest exporter and an innovative company - no evasion, no sugarcoating.

A smart first step to fixing issues at #Boeing.

Picture: @WSJ pic.twitter.com/2uzvNUVaT1

— Zemedeneh Negatu (@Zemedeneh) January 10, 2024

„Јас имам деца, имам внуци, а и вие“, им рече Калон на вработените, според транскриптот што го сподели Боинг. „Ова е важно. Секој детал е важен“, рече тој. 

Сега останува на регулаторната агенција (FAA) да спроведе дополнителни инспекции и да одлучи кога и дали на дотичните авиони ќе им биде дозволено повторно да летаат. Акциите на „Боинг“ паѓаат на берзата веќе неколку дена по ред, а се очекува поради загриженост ваквиот тренд да продолжи.