Јавен повик за обука на напредни ИТ вештини за невработени лица
Објавено во: Економија 13 Јуни, 2015
Објавен е јавен повик за обука за напредни ИТ вештини за 220 долгорочно невработени лица, активни баратели на работа соопштија денес министрите за информатичко општество и администрација и за труд и социјална политика.
Обуките ќе бидат за јава програмер и програмер за веб апликации и со нив ќе бидат опфатени 110 невработени лица, а сите оние кои ќе ги завршат обуките ќе добијат меѓународно признаени сертификати.
Обуките ќе се реализираат со средства од ИПА програмата во износ од 18 милиони денари.
Успешноста на ваквите обуки надлежните ја оценуваат околу 65 проценти, и посочија дека лани обуките ги завршиле 375 лица од кои работа добиле 246.