Job Fair-саем за вработување и кариера

Добивај вести на Viber

Саем за вработување и кариера Job Fair, на кој студентите ќе имаат можност да им пристапат на компаниите учеснички кои ќе се презентираат на штандовите поставени во просториите на техничките факултети во Скопје, започнува во понеделник и ќе трае до среда. Студентите  ќе бидат во можност директно да им се обратат на претставници на компаниите, да се консултираат, како и да побараат одговор на голем број прашања и ќе имаат можност да присуствуваат и на предавања, презентации и обуки на различни теми. На саемот за вработување и кариера и оваа година ќе се претстават успешни компании од целата држава, а целта на овој настан е доближување на компаниите до студентите и дипломците преку директен контакт на работодавците со нивните идни вработени. Компаниите се видно заинтересирани за соработка со студентите и пронаоѓање на нивниот посакуван работен кадар. Доколку студентите сакаат да пронајдат квалитетна пракса или пак да го добијат своето посакувано работно место, потребно е да  го остават  своето CV на веб страната www.jobfair.org.mk. Кратките биографии автоматски стануваат дел од датабазата до која имаат пристап компаниите учеснички. Предвидено е денеска конкретно да се опфатат темите: “Како до сопствен бизнис”, “Обука за пишување професионално CV” и “Како до поголема вработливост на инженерите (студентите) во Р.М.”. Job Fair е проект во целосна организација на БЕСТ Скопје и истиот им нуди одлична шанса за вработување, пракси и соработка на студентите и компаниите во Македонија. БЕСТ- Борд на Европски Студенти по Технологија е непрофитна и неполитичка организација која на студентите им дава можност да го да го прошират своето знаење за теми кои го надополнуваат нивното образование преку организирање академски курсеви, инженерски натпревари, симпозиуми за едукација, тренинзи и културни размени.