ЈПДП ќе го разреши шефот за патарини Митревски по скандалот што го објави СДСМ
Објавено во: Македонија 14 Октомври, 2024 18:49
Шефот за патарини Миланчо Митревски ќе биде разрешен од функцијата од страна на ЈП „Државни патишта“, откако СДСМ објави дека не плаќал при минување на наплатните пунктови, но и дека бил фатен во други скандали.
Јавното претпријатие за државни патишта известува дека лицето Миланчо Митревски на 28.07.2024 година е назначен со времено задолжение од три месеци за координатор за контрола во Одделението за наплата на патарини и контрола.
„Јавното претпријатие за државни патишта ќе го прекине временото задолжение за координатор за контрола и ќе ги преиспита изнесените наводи во јавноста, затоа што Законот треба да важи за сите независно на која позиција или функција се“, објави ЈПДП.
Претходно СДСМ излезе со серија обвинувања на адреса на Митревски како новоназначен шеф од страна на јавното претпријатие.
„Шефот на контрола во Наплатната служба на патарините во Петровец, Миланчо Митревски, ДПМНЕ и Коце Трајановски го поставија на оваа позиција иако не ги исполнува условите поради тоа што бил фатен со бројни злоупотреби. Митревски наплаќал повеќе пари на патарините, а вишокот пари си ги земал за себе.
Но скандалот е уште поголем затоа што кадарот на Коце и ДПМНЕ, Митревски не плаќа патарини. За ова говорат снимки од патарините кои ни ги доставија свиркачи, како и електронската евиденција на патарините кои целосно потврдуваат дека Митревски кога проаѓа со возилото на патарина не плаќа патарина откако е назначен“, реагираше претходно СДСМ.
Можеби ќе ве интересира
„ОД ЕДНА ПРОФЕСОРКА, СЕПАК СЕ ОЧЕКУВА БАРЕМ ОСНОВНО ПОЗНАВАЊЕ НА МАТЕРИЈАТА“: Османи за Силјановска Давкова
ДА СЕ УГЛЕДАМЕ НА ЉУБЉАНА: Македонија нема доволно зеленило и тоа скапо ќе го чини здравјето на луѓето
СЕ ОЧЕКУВА ДА ПАДНЕ И СНЕГ! Попоски соопшти дека ни доаѓа огромна промена на времето
„ЧЕКАЈТЕ СЕГА, СО КОГО СМЕ?“ Жерновски прашува „што стана со новото нормално на Мицкоски“
СЕ ОГЛАСИ ГИТАРИСТОТ НА ДНК ПОСЛЕ НЕСРЕЌАТА ВО КОЧАНИ: Колку што сум среќен, толку сум и тажен
„СРЕДЕ СКОПЈЕ КОШТА ГИ ТОРПЕДИРАШЕ ЗАМАЈУВАЊАТА НА ПРОПАГАНДАТА НА ВМРО-ДПМНЕ“: Величковски за гостувањето на Кошта во земјава и неговите изјави
„ТАРАВАРИ ИМАЛ БЕЛ ЛИСТ ЗА ДА НАПИШЕ КОЛКУ ОПШТИНИ САКА“: Муртезани за довчерашниот коалиционен партнер
ФАКТОР НА ДЕНОТ: Крешник Бектеши оди во куќен притвор
ЛАЖНА ДОЈАВА ЗА БОМБА ВО СКОПЈЕ: Концертот ќе продолжи
