ЈСП: Долг од 140 милиони денари кон приватните превозници нема, моменталните побарувања во ЈСП сметководствено изнесуваат 34 милиони

Добивај вести на Viber

Oд ЈСП Скопје велат дека сакаат јавно да демантираат дека Градот Скопје има било каков долг со приватни превозници. 

Приватните превозници како што велат имаат обврски кон Град Скопје во согласност со потпишаниот договор, и нема никакви должничко доверителски односи, за што поради клеветите и континуирано креирање паника и вознемирување на граѓаните од страна на поединечни политички инструирани превозници ЈСП поднесе соодветна тужба. 

„Воедно должни сме да потенцираме дека долг од 140 милиони денари во ЈСП кон приватните превозници нема. Моменталните побарувања во ЈСП сметководствено изнесуваат 34 милиони и редовно се исплаќаат авансни средства, а тоа не е сериозен проблем од причина што големи суми се побаруваат во континуитет поради големите трошоци за нафта, односно секој месев одприлика околу 35 милиони месечно се фактурираат од превозниците во континуитет. Фактури за превозот кои дел од превозниците ги имаат доставено на 28.06.2024 година, по преглед од страна на службите во ЈСП е утврдено дека се неверодостојни исправи. Јавниот превоз ќе продолжи да функционира непречено, а доколку прекинат да ја испорачуваат услугата кон граѓаните ЈСП ќе биде приморано да покрене соодветни тужби за надомест на материјална штета за непочитување на договорните обврски од страна на приватните превозници. Трета година по ред се работи на усогласување на приватните превозници со стандардите и пред секој истек на договор во обид да се избегне исполнување на еко стандардите, се јавуваат истите притисоци со цел да продолжат да сообраќаат со старите автобуси“, велат од ЈСП. 

Претходно, приватните превозници се пожалија дека се во лоша состојба и дека превозот ќе го редуцираат.