Јункер: Не сакаме Грција да биде исфрлена од еврозоната

Добивај вести на Viber

Исфрлање на Грција од еврозоната и ЕУ не е нешто што го сакаме или би сакале. Тоа го изјави пред Европскиот парламент во Стразбур претседателот на Европската комисија Жан-Клод Јункер, цитиран од агенциите.

Тој посочи дека не очекува на седницата на држави и влади и на министрите за финансии од еврозоната вечерва во Брисел да биде најдено решение.

Според моето искуство поедноставените одговори и решенија се погрешни. Нема лесни решенија пред Европа, таа работи со компромиси, во таа насока ќе продолжи со својата работа и Комисијата. Решението нема да биде најдено веднаш. Ако денес постигнеме решение, тоа ќе биде премногу поедноставено решение, коментира Јункер.

Верувам дека заминувањето на Грција треба да биде избегнато, против тоа сум. Некои во ЕУ прават кампања за излегување на Грција од еврозоната. ЕК ќе работи за продолжување на преговорите со Грција. Каква ЕУ ќе бидеме ако престанеме да зборуваме меѓу себе?

Грчката делегација допушти голема грешка со заминувањето на нерешени преговори. Време е повторно да се собереме околу преговарачката маса, истакна претседателот на комисијата.

Потребно ни е враќање на редот. Време е да престанеме со нападите. Неприфатливо е ЕК да биде нарекувана "терорист" од грчката влада, не го заслужуваме тоа. Треба да се направи можното, во разумни рокови да биде постигнато решение, додаде Јункер.

Тој ги нарече Грците "голема нација", но додаде дека не разбира за што точно гласале на референдумот во неделата, бидејќи произнесувајќи се по предлог на доверителите чија помош е истечена .

Треба да се направи се што е можно да им се помогне на грчките граѓани, но да не заборавиме дека во ЕУ има земји со понизок животен стандард од Грција и со пониско минимално плаќање од нивното, дополни Јункер за време на дискусијата во Стразбур .

Тој беше категоричен уште дека секоја недела комуницира со обични грчки државјани и знае за нивните проблеми од прва рака.