Ќе се надградува земјоделскиот пазарен систем

Добивај вести на Viber

Земјоделците, преработувачите и трговците, наскоро сите информации за цените на домашните и странските пазари, за понудата и побарувачкта, ќе им бидат достапни со воведувањето на земјоделската интернет база. Владата на последната седница донела одлука да се почне со надградба, засилување на капацитетите и модернизација на Пазарниот информативен систем. На овој начин сите засегнати страни во земјоделското производство ќе имаат точни информации за состојбите на донмашните и странските пазари, а тоа ќе им помогне во планирањето на идното производство и плановите за пласман на производите на определени пазари каде би се постигнале повисоки цени, но и засилување на соработката меѓу засегнатите страни и пазарно поврзување. - Овој систем веќе е во функција, постои преку веб страницата www.zpis.gov.mk пазарните податоци се собираат од репрезентативни пазари за определени земјоделски производи и од страна на деловните субјекти според количината и цените за соодветните производи. Сега се оди чекор напред и со новите надградби овој систем ќе започне да функционира како Македонската земјоделска информатичко-електронска берза што е силен исчекор на полето на пазарното функционирање на земјоделството, и во идниот период ќе е од помош во насока на воведувањето на класичната Берза на земјоделски производи, како организиран пазар на тргување, изјави владиниот портпарол, Александар Ѓорѓиев. Министерството за земјоделство, шумарство и водостопанство е должно да го надгради Пазарниот информативен систем преку групи на податоци кои ќе се од значење за определувањето на цените на производите, информации за примарните производители, преработувачи и трговци за навремено да добиваат податоци врз основа на кои ќе може да остварат свои права и интереси, и да остварат пазарна соработка. Овие групи од податоци ќе содржат преглед на движење на цените и тргуваните количини на домашниот пазар, движење на цените и тргуваните количини на странските пазари на кои производите се пласираат или од кои се увезуваат и неколкумесечни предвидувања за понудата и побарувачката на дефинираните производи на светските пазари врз основа на анализи на релевантни светски институции и организации. Н аовој начин точно ќе се знае кои производи се барани во моментот или во идниот период, а земјоделците ќе знаат кон кое производство да се насочат. Системот ќе обезбеди инфомрации за преработувачите и трговците во однос на промена на легислативата, институциите и меѓудржавни договори за трговска соработка, и други политики на државата кои имаат влијание на пазарот, особено во делот на квалитетот и безбедноста на храната, новости и промоција на мерките на поддршка на државата за подобрување на пазарните односи и објавување на понуди и барања за купување и продажба на земјоделски производи од земјоделски производители и претпријатија заради помагање на пазарните контакти. Предвидено е македонскиот пазарен информативен систем да  се поврзе со германската база на земјоделски и пазарни информации, со што се очекува поголем извоз, и заштита од вишок на производство и ниски цени.