КАДЕ ВИ СЕ МАИЦИТЕ СО КРАТКИ РАКАВИ - викендов за прв пат ќе го почувствуваме летото, Попоски најавува и до 30 степени

Добивај вести на Viber

До четврток времето во Македонија ќе се задржи многу променливо со чести повремени врнежи од дожд со променлив интензитет и со повремено засилен ветер од јужен правец. Локално ќе биде  и нестабилно, со пороен дожд и грмежи. Температурите ќе бележат тенденција на постепен пораст, пишува во својот најнов пост метео прогнозерот Славчо Поповски.

Особено топло ќе биде во петок и за време на викендот, кога нашата територија ќе биде под влијание на значително потопла воздушна маса со потекло од северните предели на Африка. Тогаш температурите ќ се искачуваат во интервалот од 23 до 28 степени, особено за време на викендот кој доаѓа.

Значи за време на викендот не очекуваат рано – летни температури на воздухот, кои ќе бидат значително над просекот за овој период од годината, а времето ќе биде значително постабилно и релативно суво, со многу повеќе сончеви периоди.

Се на се, за време на викендот слободно граѓаните ќе можат да се шетаат по кратки ракави.

Во регионот пак температурите локално ќе надминуваат и 30 степени.