28 Март, 2024
0.0257

Каде вози „Македонски Железници Транспорт“?

Објавено во: Економија 10 Септември, 2020

Добивај вести на Viber

Државната железничка транспортна компанија повторно и лани е во загуба од 6,6 милиони евра и покрај тоа што од државниот буџет лани примиле дотација од 7 милиони евра. До крај на 2019 година нејзините вкупни обврски се над 90 милиони евра од кои тековни обврски се над 60 милиони евра. Финансиските податоци покажуваат дека ЖРСМ Транспорт е „жив песок“ за провајдери на услуги и добавувачи, а дека компанијата вака поставена е камен околу вратот за секоја македонска влада

Државната транспортна железничка компанија и лани не отстапила од својот континуитет – прокнижила загуба од работењето во износ од 6,6 милиони евра, покажуваат официјалните податоци на единствената железничка траснспортна компанија. На крајот на минатата година обврските на ЖРСМ – Транспорт достигнале 92,7 милиони евра, а од тоа тековни обврски се повеќе од 60 милиони евра.

Оваа државна компанија лани превезла 1,8 милиони тони товар, нејзините локомотиви и возови превезле над 549.000 патници изминувајќи 1,7 милиони возни километри што е за 9 отсто послаб резултат во споредба со претходната 2018 година.

Патничкиот сообраќај е камен-околувратник!

Патничкиот сообраќај е најголемиот проблем на транспортната железничка компанија. Лани неговите приходи изнесуваат 745.000 евра, а по дотацијата од државниот буџет од 7 милиони евра оваа дејност на железничката компанија и продуцира загуба од 3,6 милиони евра. Значи реално гледано за да оствари приход од 745.000 евра патничкиот сообраќај создал загуба од 10,6 милиони евра. Официјалните податоци покажуваат дека само за нафта и за струја патничкиот сообраќај потрошил 1 милион евра. Значи приходите од карти не можат да ги покријат ниту трошоците за енергенси, а каде се платите, амортизацијата, трошокот на користење на пругите....

Наспроти него товарниот сообраќај работи во друг режим. Неговата реална загуба изнесува 2,9 милиони евра. Стоковиот сообраќај лани на друштвото му донел приход од 13 милиони евра и во структурата на приходи учествува со повеќе од 65 отсто. Вкупните расходи на товарниот сообраќај изнесувале 16,3 милиони евра.

Кои се најголемите расходи на железничката транспортна компанија?

Најголем трошок на компанијата лани е за користење на железничката инфраструктура за што на „братската државна фирма“ Инфраструктура. Транспортот за користење на пругите платил 7,36 милиони евра и тоа е за 3 отсто помалку од 2018 година. Втора најголема трошковна ставка се трошоците за 918 вработени во друштвото за што се исплатени 7,06 милиони евра. Амортизацијата трошокот на друштвото го крева за 5,5 милиони евра, а набавката на резервни делови и потрошен материјал за уште 712.000 евра што е за 15 отсто помалку од 2018 година. Значајна ставка се трошоците за енергенси. За погон на локомотивите и возовите компанијата користи дизел гориво и струја. За дизел гориво лани се платени 988.000 евра што е за 28 отсто повеќе од 2018 година. За електричните возови и за локомотиви лани е набавена и потрошена струја вредна 1,5 милиони евра што е за 48 отсто поголем трошок од претходната година.

Оваа државна транспортна компанија е соочена со огромни предизвици и повеќе од очигледно е дека и е потребна консолидација која опфаќа и непопуларни и социјално тешко прифатливи мерки. Лани друштвото вработило вкупно 117 лица, а во истата година фирмата ја напуштиле 97 лица. Во кадровата структура по број на вработени доминира подружницата Влеча на возови со 403 вработени пред Дирекцијата која брои 213 вработени. Подружницата Товарен сообраќај ангажира 181 лице, а големиот загубар подружницата Патен сообраќај ангажира 119 лица.

Р.Ф. 

Можеби ќе ве интересира

ЗА ЕДНО ЕВРО РУЧЕК И ПРЕВОЗ: Oва е најевтината земја за живеење

ЗА ЕДНО ЕВРО РУЧЕК И ПРЕВОЗ: Oва е најевтината земја за живеење

МИЗО ПОТВРДИ ДЕКА ЗА ОВА РАЗГОВАРАЛЕ СО МИНИСТЕРСТВОТО ЗА ФИНАНСИИ: Македонија треба да се адаптира на глобалниот минимален данок на добивка од 15 oтсто

МИЗО ПОТВРДИ ДЕКА ЗА ОВА РАЗГОВАРАЛЕ СО МИНИСТЕРСТВОТО ЗА ФИНАНСИИ: Македонија треба да се адаптира на глобалниот минимален данок на добивка од 15 oтсто

ПЧЕНИЦАТА ПОЕВТИНИ: Цената на златото и нафтата скокнаа

ПЧЕНИЦАТА ПОЕВТИНИ: Цената на златото и нафтата скокнаа

БИТИЌИ Е ОПТИМИСТ: Вели дека со влезот во ЕУ просечната плата ќе изнесува 1.300 евра

БИТИЌИ Е ОПТИМИСТ: Вели дека со влезот во ЕУ просечната плата ќе изнесува 1.300 евра

Новите газди го вратија стариот сјај! Како „Скопски пазар“ ќе направи над 10 милиони евра приходи?

Новите газди го вратија стариот сјај! Како „Скопски пазар“ ќе направи над 10 милиони евра приходи?

ВЛЕГЛЕ ВО КАНЦЕЛАРИЈАТА НА GOOGLE ВРЕДНА ДВЕ МИЛИЈАРДИ ДОЛАРИ - „баш е таква каква што ја замислувавме, право одморалиште“

ВЛЕГЛЕ ВО КАНЦЕЛАРИЈАТА НА GOOGLE ВРЕДНА ДВЕ МИЛИЈАРДИ ДОЛАРИ - „баш е таква каква што ја замислувавме, право одморалиште“

ЦЕНТРАЛНОЕВРОПСКИ ДОГОВОР ЗА СЛОБОДНА ТРГОВИЈА - ДОПОЛНИТЕЛЕН ПРОТОКОЛ 6 - еве кои се предностите

ЦЕНТРАЛНОЕВРОПСКИ ДОГОВОР ЗА СЛОБОДНА ТРГОВИЈА - ДОПОЛНИТЕЛЕН ПРОТОКОЛ 6 - еве кои се предностите

Битиќи: Во 2025 работна недела од 7 часа дневно во одредени сектори

Битиќи: Во 2025 работна недела од 7 часа дневно во одредени сектори

МАКЕДОНСКИТЕ ЧОКОЛАДИ САМО МАЛКУ ПОВКУСНИ ЗА СТРАНЦИТЕ - како „Европа“ профитираше со 600 илјади евра и дали е тоа добар резултат

МАКЕДОНСКИТЕ ЧОКОЛАДИ САМО МАЛКУ ПОВКУСНИ ЗА СТРАНЦИТЕ - како „Европа“ профитираше со 600 илјади евра и дали е тоа добар резултат